موكآ بآردة ..~

المقادير :

1كوب ماء بارد

1كوب حليب بارد 

1فنجال سكر

1بكت دريم ويب 

2 ملعقة كبيرة نسكافيه

 3 ملعقة كبيرة شكولاته نسكويك 

6 مكعبات ثلج مجروش 

  التزيين :

كريمة مخفوقة 

هيرشي

شكولاته بودرة 

الطريقة :

نضع بالخلاط جميع المقادير

ثم نزين الكاس بخطوط الهيرشي 

والكريمة والكاكاو .

ملاحظة :

كريمة الخفق على حسب ذوقكم اذ تبونها ثقيلة اخفقوها اكثر انا خليتها خفيفة .

والف صحه وعافية .

the clock❤ ~

كوكتيل الجوافة والمانجا ..~

بسم الله الرحمن الرحيم ..

هالعصير من اسهل مايكون جربوه وان شاء الله يعجبكم ..~

المقادير :

 1جوافه المجمدة الخاصه بالعصير 

حليب سائل طازج

نصف كوب سكر 

3 ملاعق كبيرة تانج مانجا 

الطريقة :

بالبدايه نخلي الجوافه لما تدفا وماتكون ثلجة 

بعد كذا نضيف بالخلاط الجوافه مع السكر وكمية الحليب ونخلطها 

لما يكون القوام ثقيل شوي مو سايل مررررة 

اخر شي ناخذ نصف كمية الجوافه ونضيف لها تانج المانجا ونخلطها معه 

وبكذا يصير عندنا نوعين عصير.

المقادير تكفي ل 1 جالون من العصير ..

وبالعافيه ..~

the clock❤ ~

الأرز والدجاج الصيني ..~

مقادير وطريقة الدجاج الصيني :

3 صدر دجاج مقطع شرائح طويلة 

1 بصل مقطع مكعبات 

فلفل بارد مقطع مكعبات ( الاحمر والاصفر والاخضر )

بصل اخضر 

3 فص ثوم مهروس 

صلصة صويا 

كمون + ملح + فلفل اسود 

ملعقتين كبيرة نشاء مذوبة ب 2 كاس مويه 

1- بالبداية نحمس الدجاج مع الثوم لما يستوي ونضيف له الكمون والملح والفلفل الاسود .

2- نجيب تاوه ثانيه ونحمس فيها البصل والفلفل البارد الالوان  والبصل الاخضر بس لمدة 

3 دقايق بعد كذا نضيف الدجاج اللي حمسناه قبل ونضيف الصويا والنشاء بالتدريج 

مو دفعة وحده عشان مايتكتل النشاء ونتركه 5 دقايق عالنار لما يتسبك .

مقادير وطريقة الارز :

2 كوب ارز بسمتي مغسول ومنقوع بماء دافي 

بازلاء 

جزر مقطع مكعبات صغيرة 

بيض 

ملح + ماجي ابيض + ماجي اصفر 

ماء مغلي 

1- اول شي نضيف البازلاء والجزر والماجي الابيض والاصفر والملح 

مع المويه لما تغلي .

2- بعد ماتغلي نضيف لها الارز تكون موية الارز مغطية السطح بمقدار 

بسيط مانكثر المويه عشان مايكتل الرز .

3- البيض نقليه ونفتته .

4- بالاخير بعد مايستوي الرز نضيف له البيض ونقلبه معه بخفه .

وبالهناء والشفاء ..~

the clock❤ ~

خبز بالثوم والجبن ..~

مقادير خلطة الجبن :

10 حبات جبن مثلث او كيري
2 ملعقة كبيرة جبن سايل
2 ملعقة كبيرة مايونيز
3 فص ثوم
رشة ملح + رشة فلفل اسود
8 ملاعق حليب سائل

خبز توست
زعتر بري + زبدة  ( لدهن التوست )
جبن موزاريلا 

الطريقة :

1- نجيب صينية ونصف فيها خبز التوست 

2 - نجيب قدر صغير ونذوب فيه الزبدة مع الزعتر البري 

بعد كذا ندهن خبز التوست بالزبدة 

3 - نضع مقادير خلطة الجبن بالخلاط ونخلطها لحد ماتتجانس ويكون 

قوامها كريمي ثم نضع مقدار ملعقة كبيرة وحدة على كل شريحة توست 

4 - بالاخير نضع عليها جبن الموزاريلا ثم ندخلها الفرن بس من فوق لما 

تتحمر ونتركها تبرد ثم نقطعها .

وصحه وهنا ..~

the clock❤ ~

مثلثات التوست بالنقآنق ..~

بسم الله ..

المقادير :

للحشوة ..

نقانق مقطعه مربعات صغيرة 

 1 فلفل بارد مقطع صغار

1 بصل مقطع صغار

2 فص ثوم مهروس 

كمون + رشة ملح + ماجي اصفر 

2 جزر مبشور 

خبز توست ابيض

مايونيز للدهن

الطريقة :

- نحمس البصل مع الثوم وبعد كذا نضيف له النقانق مع الفلفل البارد

والكمون والملح والماجي ونحمسها لحد ماتستوي النقانق وبالاخير نضيف الجزر المبشور 

ونحمسها خفيف معها .

- بعد كذا نجيب خبز التوست وندهنه بالمايونيز ونحشية بالنقانق ونغطيه بقطعه 

ثانية من التوست ثم نحمرها بالالة الخاصة بالساندويتش .

وصحة وعآفية ..~

the clock❤ ~

ميني ساندويتش الفاهيتا ..~

بسم الله الرحمن الرحيم ..

مقادير العجينة :

http://my-cooking-majodah.blogspot.com/2012/07/blog-post_5905.html

^ بالرابط *

الحشوة :

( أ )

2 صدر دجاج مقطع مكعبات صغيرة 

فلفل بارد شرائح 

بصل شرائح 

2 فص ثوم مفروم 

شوي بقدونس 

كمون + ملح + فلفل اسود + ماجي ابيض 

( ب )

2 ملعقة كبيرة خردل 

1 ملعقة مايونيز 

جبن شرائح 

خيار شرائح ( اختياري )

الطريقة :

1- بالبداية نسوي العجينة مثل ماانا شارحتها بالرابط اللي فوق بعد كذا نشكلها 

على خبز صغير وبعد مانخبزها نتركها تبرد لما مايجي وقت نحشيها .

2- مقادير ( أ ) اول شي نحمس البصل والثوم وبعد كذا نضيف الدجاج ونحمسه معهم ثم نضيف 

الكمون والملح والفلفل الاسود والماجي الابيض والفلفل الاخضر ثم نخليها على نار خفيفة ونتركها 

لمدة 10 دقايق لما يستوي الدجاج .

3- وبالاخير نضيف على الدجاج الخردل والمايونيز ونحشي الخبز ونضيف الجبن الشرائح والخيار .

والف صحة وعافية ..~

the clock❤ ~

تورتيلا الدجاج بتتبيلة ماجي ..~

بسم الله الرحمن الرحيم ..~

امم راح تستغربون من اسم الوصفة بس قصدي 

فيها مااستخدمت بهارات البيت المعتادة ابدا بس اضفت فيها 

تتبيلة ماجي الخاصة بالدجاج وراح اوريكم صورتها طبعاً .

المقادير :

( أ )

2  صدر دجاج مقطع شرائح 

1 فلفل بارد مقطع شرائح 

1 بصل مقطع شرائح 

عصير نصف ليمونة 

3 ملاعق كبيرة خل ابيض 

2 ملعقة كبيرة صلصة صويا 

ملح 

تتبيلة ماجي بالثوم والزنجبيل ( طعمها ياخذ العقل ) ^_*

 استخدموا نصها بس مو كلها

وهذ صورتها 

( ب )

خبز تورتيلا ابيض 

2 ملعقة جبن سايل + 1 ملعقة مايونيز 

وخس مقطع شرائح

الطريقة :

- بالبداية نضيف مقادير ( أ) كلها مع بعض ونحركها زين ثم نتركها 

بالثلاجة لمدة يوم كامل احسن او ساعتين على الاقل عشان 

ياخذ الدجاج النكهة ويكون لين .

- بعد كذا ناخذ الدجاج اللي تبلناه من قبل ونحمسه مع زيت لما يستوي وتنشف 

مويته وبالاخير نضيف له الجبن والمايونيز والخس ونحشي به التورتيلا 

واذا حابين استخدموا الشواية وخلوه يتحمر ..

وبالعافية ..~

the clock❤ ~

بيتزا البيبروني بالخضآر ..~

السلآم عليكم ..

امم هذي طريقة بيتزا سهلة وسريعة جداً مآ تاخذ وقت 

جربوهآ وأن شاء الله تعجبكم ..

العجينة ..

http://my-cooking-majodah.blogspot.com/2012/07/blog-post_5905.html#more

طريقتها بالرابط *

للبيتزا :

استخدمت صلصة البيتزا الجاهزة مرة طعمها حلوو 

واستخدمت فلفل بارد + بصل شرائح 

فطر + زيتون + طماط مقطع صغار 

وجبن سائل + ببروني 

الطريقة :

- ناخذ مقدار من العجينة ونفردها على شكل دائري وحاولو ماتسخفونها 

بعد كذا نضيف الصلصة عليها ثم الفلفل البارد والزيتون والبصل والفطر

والطماط ثم الجبن وبالاخير الببروني 

- بعد كذا ندخلها الفرن على درجة حرارة متوسطة لمدة ثلث الى نصف ساعة 

لما تتحمر من تحت وفوق .

وبالعآفيية .. ~

the clock❤ ~

عجينة الحليب لجميع أنواع الفطائر ..~

السلآم عليكم ورحمة الله وبركآته ..

 الشهر عليكم مبآرك وينعآد علينا وعليكم بالخير ..

اليوم نزلت طريقة عجينة ( الحليب ) مرة سهلة وخفيفة وغير كذا هشة جدا ..

بسم الله ..

المقآدير :

٢ كوب حليب طازج ويكون دافي 

١ ملعقة كبيرة خميرة 

١ فنجال سكر 

رشة ملح 

ربع ملعقة صغيرة باكنغ باودر 

٤ الى ٤ ونص كوب دقيق ابيض منخول 

زيت للعجن حوالي نصف كوب 

الطريقة :

١ - بالبداية نضيف الحليب مع الخميرة والسكر والملح ونخفقها على خفيف بس 

ونتركها تتخمر ٥ دقايق فقط .

٢ - بعد كذا نضيف الدقيق بالتدريج والباكنغ باودر والزيت ونعجنها لحد ماتكون 

عجينة متماسكة ونتركها تتخمر ساعة كاملة .

ملاحظة ( اذا العجينة ماصارت تلزق باليد معناه العجينة تكون كويسة ) .

٣ - بعد ماتتخمر العجينة لكم حرية استخدامها بأي نوع انتو حابين سواءً 

بيتزا او فطاير او خبز .

the clock❤ ~

متبل الباذنجان ..~

بسم الله الرحمن الرحيم ..

المقادير :

5 حبات متوسطة من الباذنجان 

2 زبادي ( روب )

2 فص ثوم مهروس 

1 ملعقة صغيرة نعناع مجفف 

1 عصير ليمون + 1 ملعقة كبيرة خل + ملح

2 ملعقة كبيرة طحينة 

الطريقة :

- بالبداية .. نقشر الباذنجان ونقطعه شرائح عريضة ثم 

نصفه بصينية ونرش عليه ملح وندخله الفرن من فوق لحد مايذبل .

- ^ هنا بعد مااستوى الباذنجان بعد كذا نضيفه بصحن ونكتمه بالقصدير 

عشان يلين اكثر .

- نجهز المقادير اللي بنضيفها للباذنجان .. اخر خطوة نضيف الباذنجان 

بالخلاط مع باقي المقادير ونخلطها لما تتجانس .

وصحة وعافية ..~

the clock❤ ~

المندي ..~

بسم الله الرحمن الرحيم ..

المندي بالبدآية راح تستصعبون طريقته بس صدقوني 

جدا سهل واتمنى تجربونه ^^.

المقآدير :

1 دجاج مقطع لنصفين 

2 كاس ارز بسمتي مغسول ومنقوع بمويه دافيه 

1 بصل مقطع صغار 

4 فصوص ثوم مبشور 

1 فلفل بارد مقطع مكعبات 

2 جزر مقطع طوال ( اختياري )

ورق غار + ليمون اسود

2 مكعب ماجي اصفر + ماجي ابيض

ملح 

عود قرفة 

فحم + نصف كوب زيت 

الطريقة :

- بالبداية نحمس البصل والثوم ثم نضيف له الماجي الاصفر والابيض 

وورق الغار والليمون الاسود والملح وعود القرفة ثم نضيف الدجاج ونحمس

 لحد مايبدا يطلع لونه ابيض شوي .

 

- بعد كذا نبدا نضيف مويه  مغليه عالدجاج  نغطي نصف القدر تقريبا

ونضيف الجزر والفلفل البارد ونتركها تطبخ على نار متوسطة لمدة لساعة تقريبا .

 

- بعد مايستوي الدجاج نشيله من القدر ونضيفه بصينية وندهنه

بشوي عصير ليمون وكركم ونتركه يتحمر بالفرن من الاعلى .

- ثم ناخذ الرزونصفيه ونضيفه على مويه الدجاج اللي بالقدر ونتركه يطبخ عالنار 

لمدة خمس دقايق بعد كذا نقصر النار مرة ونغطيه لمدة عشر دقايق بدون ماتحركون الرز

ثم ناخذ نص كوب الزيت ونضيفه بصحن صغير الافضل يكون

حديد مثل صحن الكريمة الصغير ونحطه بوسط القدر عالرز 

ونولع عالفحم لعشر دقايق بس ثم نشيله ونضيفه عالزيت ونغطيه بقصدير 

ونتركه عالنار لحد مايستوي الرز وياخذ طعم المندي 

بالاخير ناخذ زيت الفحم ونضيف منه عالرز ونضيف شوي صفار او

زعفران مذوب بشوي مويه .

 

- بعد كذا اذا حابين ضيفوا بيض مسلوق وشرايح ليمون للرز .

 

وألف صحة وعافية ..~

the clock❤ ~

سلطة المكرونة ..~

اسهل من هالسلطة مافيه ^^

وغير كذا جدا خفيفة 

المقادير :

نصف باكيت مكرونة حجم صغير مسلوقة 

1 خيار مقطع صغار 

شريحتين ملفوف مقطع صغار 

1جزر مبشور

زيتون اسود

1 فلفل بارد مقطع صغار 

ذرة 

سماق 

الصوص :

2 ثوم مهروس 

2 زبادي 

1 ملعقة جبن سائل 

1 ملعقة مايونيز 

1 عصير ليمون 

خل 

ملح 

الطريقة :

- نضع جميع مقادير السلطة مع بعضها ونحركها 

- ونضع جميع مقادير الصوص مع بعضها ونحركها 

وبالاخير نضعها عالسلطة ونحركها مع بعض .

وصحة وعآفية ..~

the clock❤ ~

مافن مالح ..~

المقادير :

بيضتين
كاس دقيق ..
نص فنجال حليب بودرة ..
ذرة ملح ..
ملعقتين صغار بكينج باودر ..
نص بيالة زيت ..
ثلاث أرباع كاس ماء

الحشوة :

زيتون 

بقدونس 

جبن مالح 

او 

موزاريلا وشيدر 

مرتديلا

الطريقة :

1- نخفق البيض لين ينفش ثم نضيف الزيت ونخفق والمويه ونخفق 

وبالاخير باقي المقادير .

2- بعد مانخلص من الكيك نضع مقدار ملعقة وحده باوراق  الكب كيك ( الميني )

ونضع شوي من مقادير الحشو .

3- اخبزيهم بالفرن لحد ماتستوي وتتحمر .

والف صحة وهناء ..

the clock❤ ~